સુરેન્દ્રનગર કોંગ્રેસે ભાવ વધારાનો વિરોધ તેલના ડબ્બા અને રાંધણ ગેસની સ્મશાનયાત્રા કાઢી કર્યો

Team Chabuk-Political Desk: બેફામ વધી રહેલી મોંઘવારીનો વિરોધ સુરેન્દ્રનગરની કોંગ્રેસે રાંધણ ગેસ અને તેલના ડબ્બાની સ્મશાનયાત્રા કાઢી કર્યો હતો. સુરેન્દ્રનગર જિલ્લાની કોંગ્રેસે પેટ્રોલ, ડિઝલ, ગેસ, સીએનજી અને તેલના ડબ્બાના વધી રહેલા ભાવનો વિરોધ સૂત્રોચ્ચારો બોલી કરતા પોલીસે તેમની અટકાયત કરી હતી. કોંગ્રેસે કહ્યું હતું કે સરકારના નબળા વહિવટના કારણે હાલ મોંઘવારીના મારથી પ્રજા પીસાઈ રહી છે.

હાલ પાંચ રાજ્યોની ચૂંટણીની સમાપ્તિ પછી જીવનજરૂરિયાતની તમામ વસ્તુઓના ભાવ આસમાનને આંબી રહ્યા છે. એવામાં સુરેન્દ્રનગર જિલ્લા કોંગ્રેસની ટીમ દ્વારા બેફામ વધી રહેલા અને ત્રાહીમામ પોકારાવી રહેલા પેટ્રોલ-ડિઝલ, ગેસ, તેલના ડબ્બાના ભાવનો સૂત્રોચ્ચારો પોકારી જબરદસ્ત વિરોધ કર્યો હતો. કોંગ્રેસની ટીમ દ્વારા તેલના ડબ્બા અને રાંધણ ગેસની સ્મશાનયાત્રા કાઢી કૌતુકસભર વિરોધ નોંધવતા લોકો જોતા રહી ગયા હતા.

આ અંગે રૈયાભાઇ રાઠોડે જણાવ્યું કે હાલમાં યોજાયેલ ચૂંટણીમાં લોકોના મત મેળવવા માટે પેટ્રોલ – ડીઝલ રાંધણ ગેસના ભાવમાં વધારો છેલ્લાં 137 દિવસ સુધી યથાવત રખાયો હતો. વિરોધ પ્રદર્શન કરી રહેલા સુરેન્દ્રનગર જિલ્લાના કોંગ્રેસી અગ્રણીઓની શહેર એ ડિવીઝન પોલીસ દ્વારા અટકાયત કરવામાં આવી હતી.

મોંઘવારીની જો વાત કરીએ તો આજ રોજ અદાણી કંપની દ્વારા સીએનજીના ભાવમાં વધારો ઝીંકવામાં આવ્યો છે. જેમાં સીએનજીના ભાવમાં પ્રતિ કિલોએ પાંચ રૂપિયાનો વધારો કરતા નવો ભાવ 79.59 રૂપિયા થયો છે. જ્યારે કેટલાક શહેરોમાં સીએનજીનો ભાવ ઓલરેડી 80 રૂપિયાને પાર ચાલી રહ્યો છે.

આ સિવાય દેશભરમાં આજથી કોમર્શિયલ એલપીજી સિલિન્ડરના ભાવમાં તોતિંગ વધારો ઝીંકવામાં આવ્યો છે. કોમર્શિયલ એલપીજી સિલિન્ડરના ભાવમાં 250 રૂપિયાનો વધારો કરવામાં આવ્યો છે. 22 માર્ચના રોજ સબસિડી વિનાના ઘરેલૂ એલપીજી સિલિન્ડરમાં 50 રૂપિયાનો વધારો કરવામાં આવ્યો હતો. જ્યારે આજથી 19 કિલોવાળા કોમર્શિયલ એલપીજી સિલિન્ડર દિલ્હીમાં 2253 રૂપિયાનો મળશે.

તાજેતાજો ઘાણવો

• સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
• ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
• રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
• સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
• શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત