Team Chabuk-Entertainment Desk: ‘તારક મહેતા કા ઉલ્ટા ચશ્મા’માં બબીતા ભાભીનું પાત્ર ભજવનારી અભિનેત્રી મુનમુન દત્તાનું (munmun datta) અકસ્માત થયું છે. અભિનેત્રીનો આ અકસ્માત જર્મનીમાં થયો હતો. તે થોડા દિવસો પહેલા તેનું પ્રથમ વેકેશન માણવા માટે ત્યાં ગઈ હતી. એક અકસ્માતમાં અભિનેત્રીને પગમાં ઈજા થઈ છે, જેના કારણે તે જર્મનીનો પ્રવાસ છોડીને પોતાના ઘરે પરત ફરી રહી છે. અભિનેત્રીએ ચાહકોને તેના સ્વાસ્થ્ય વિશે જણાવ્યું છે.
મુનમુન દત્તાએ ઈન્સ્ટાગ્રામ સ્ટોરી પર એક પોસ્ટ શેર કરીને તેના ચાહકોને અકસ્માતની જાણકારી આપી હતી. તેણે ઈન્સ્ટા પોસ્ટમાં લખ્યું, “જર્મનીમાં એક નાનો અકસ્માત થયો. જેમાં મારા ડાબા ઘૂંટણને ખૂબ જ ખરાબ રીતે ઇજા પહોંચાડી છે. તેથી મારે મારી સફર અધવચ્ચે છોડીને ઘરે પાછા જવું પડ્યું.” આ સાથે અભિનેત્રીએ બ્રોકન હાર્ટનું એક ઈમોજી પણ શેર કર્યું હતું. આના પરથી સ્પષ્ટ થાય છે કે અભિનેત્રી પોતાની સફર અધવચ્ચે જ છોડી દેવાનું કેટલું દુ:ખ અનુભવી રહી છે.
તમને જણાવી દઈએ કે મુનમુન દત્તા આ દિવસોમાં વેકેશનના મૂડમાં છે. તે જર્મની પહેલા સ્વિટ્ઝર્લેન્ડની મુલાકાતે ગઈ હતી. અહીંથી અભિનેત્રીએ તસવીરો અને વીડિયો પણ શેર કર્યા છે. સ્વિટ્ઝર્લેન્ડમાં સમય વિતાવ્યા બાદ તે સીધી જર્મની પહોંચી ગઈ હતી, પરંતુ અહીં મુનમુનનો અકસ્માત થયો હતો. ચાહકો મુનમુન દત્તાને લઈને ખૂબ જ ચિંતિત છે અને તેના ઝડપી સ્વસ્થ થવાની પ્રાર્થના કરી રહ્યા છે.
મુનમુન દત્તા ‘તારક મહેતા કા ઉલ્ટા ચશ્મા’માં બબીતા ભાભીના પાત્રથી ફેમસ થઈ છે. લોકો જેઠાલાલ અને તેમની કેમેસ્ટ્રીને ખૂબ પસંદ કરે છે. મુનમુન દત્તા લાંબા સમયથી આ શો સાથે જોડાયેલી છે. તે સોશિયલ મીડિયા પર ખૂબ જ એક્ટિવ રહે છે અને તેના અંગત જીવનની ઝલક શેર કરતી રહે છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
 અકસ્માત થયું છે. અભિનેત્રીનો આ અકસ્માત જર્મનીમાં થયો હતો.){kind=link}