Team Chabuk-Business Desk: સાબુથી લઈને ઘરના સંસાધનો અને રિયલ સ્ટેટ સુધી પોતાનો વ્યવસાય કરનાર, 4.1 અરબ ડોલરના વૈભવી ગોદરેજ સમૂહના બે ભાઈઓની વચ્ચે ભાગલા પડશે. સમાચાર એજન્સી પીટીઆઈની રિપોર્ટ અનુસાર આ સમગ્ર ઘટના સામે રાખનારા સૂત્રોએ જણાવ્યું હતું કે, પરિવારે 124 વર્ષ જૂના સમૂહનું સૌહાર્દપૂર્ણ રીતે વિભાજન કરવાનો નિર્ણય લીધો છે.
જે બે ભાગમાં આ સમૂહનું વિભાજન કરવામાં આવશે, તેમાંથી એક આદિ ગોદરેજ અને તેમના ભાઈ નાદિરનું હશે. બીજો ભાગ જમશેદ ગોદરેજ અને સ્મિતા ગોદરેજ કૃષ્ણાનો હશે. હાલ સમૂહનું નેતૃત્વ 79 વર્ષીય આદિ ગોદરેજ કરી રહ્યા છે. જેઓ આ કંપનીના ચેરમેન છે. તેમના ભાઈ નાદિર ગોદરેજ, ગોદરેજ ઉદ્યોગ અને ગોદરેજ એગ્રોવેટના ચેરમેન પદ પર નિયુક્ત છે.
આદિ અને નાદિરના પિતરાઈ ભાઈ જમશેદ ગોદરેજ, ગોદરેજ એન્ડ બોયસ મેન્યુફેક્ચરિંગ કંપની લિમિટેડના ચેરમેન છે. આ ગોદરેજ સમૂહની પ્રમુખ કંપની છે અને દેશના સૌથી જૂના વેપારી ઘરોમાંથી એક છે. 1897માં વકીલમાંથી સીરિયલ ઉદ્યમી બનેલા અર્દેશિર ગોદરેજે તેની સ્થાપના કરી હતી. તેમણે અસંખ્ય નિષ્ફળ ઉદ્યોગ બાદ તાળા ઉદ્યોગમાં સફળતા પ્રાપ્ત કરી હતી.
આ અંગે ગોદરેજ પરિવારે આપેલી સંયુક્ત કેફિયતમાં કહેવામાં આવ્યું છે કે, ‘ગોદરેજ પરિવાર પોતાના શેર ધારકો માટે સર્વોત્તમ હિત સુનિશ્ચિત કરવા ગત કેટલાક વર્ષોથી સમૂહ માટે દીર્ઘકાલિક રણનીતિક યોજના પર કામ કરી રહી છે. જેના ભાગરૂપે અમે તેના બાહરી ભાગીદારો પાસેથી પણ સલાહ માગી છે. પરિવારની વચ્ચે આ ચર્ચોઓ થઈ રહી છે.’
ગોદરેજ સમૂહમાં પ્રવર્તકોની લગભગ 23 ટકા ભાગીદારી એ ટ્રસ્ટોમાં છે જે પર્યાવરણ, સ્વાસ્થ્ય અને શિક્ષાના ક્ષેત્રોમાં રોકાણ કરે છે. સમૂહની પ્રમુખ કંપનીઓમાં એન્જિનિયરિંગ કંપની ગોદરેજ એન્ડ બોયસ એમએફજી કંપની લિમિટેડ અને ગોદરેજ કન્ઝ્યુમર પ્રોડક્ટ્સ લિમિટેડ, ગોદરેજ અગ્રોવેટ, ગોદરેજ પ્રોપર્ટીઝ અને ગોદરેજ ઈન્ડસ્ટ્રીઝ લિમિટેડ જેવી સૂચિબદ્ધ સંસ્થાઓ છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
