Team Chabuk-National Desk: દિલ્હીના રાજૌરી ગાર્ડન વિસ્તારમાં પરિવારની પરવાનગી વિરૂદ્ધ ભાગીને લગ્ન કરવાથી નારાજ યુવતીના પરિવારજનોએ યુવકનું અપહરણ કરી તેની પીટાઈ કરી હતી. આરોપ લાગ્યો છે કે યુવકના પ્રાઈવેટ પાર્ટને કાપી નાખવામાં આવ્યું છે અને તેને સાગરપુર વિસ્તારમાં ફેંક્યા બાદ આરોપી ફરાર થઈ ગયા છે. બુધવારની રાતે એક રાહગીરની મદદથી પોલીસ સુધી આ વાત પહોંચી હતી.
યુવકને સફદરગંજ હોસ્પિટલમાં ભરતી કરવામાં આવ્યો છે. જ્યાં તેની સ્થિતિ અત્યંત નાજુક હોવાનું કહેવામાં આવ્યું છે. રાજૌરી ગાર્ડન વિસ્તારમાં આવતા પોલીસ સ્ટેશને નિવેદનના આધારે અપહરણ કરવું અને જાનથી મારી નાખવાની કોશિશનો કેસ ફાઈલ કર્યો છે. પોલીસ આરોપી પક્ષના કેટલાક લોકોની અટકાયત કરી તેમની પૂછપરછ કરી રહી છે.
22 વર્ષીય પીડિત પરિવાર સાથે રઘુવીર નગરમાં રહે છે. તેનું સારગપુરની રહેવાસી વીસ વર્ષીય યુવતીની સાથે બે વર્ષથી પ્રેમ પ્રકરણ ચાલી રહ્યું હતું. બેઉંએ પોતાના પરિવારજનોને લગ્ન માટે મનાવવાનો પ્રયાસ કર્યો હતો. જોકે તેમણે નનૈયો ભણી દીધો હતો. યુવક યુવતી ભાગીને 21 ડિસેમ્બરના રોજ જયપુર પહોંચ્યા હતા. જ્યાં બેઉંએ એક મંદિરમાં લગ્ન કરી લીધા હતા. લગ્ન બાદ 22 ડિસેમ્બરના રોજ બંને દિલ્હી પહોંચ્યા અને રાજૌરી ગાર્ડન વિસ્તારમાં આવ્યા હતા. આ વાતની ભનક યુવતીના પરિવારજનોને લાગી ગઈ હતી.
રાજૌરી ગાર્ડન પહોંચીને યુવતીના પરિવારજનો બંનેને પોતાની સાથે સારગપુર લઈ ગયા હતા. આરોપ લાગ્યો છે કે અહીં યુવકને ઢોર માર મારવામાં આવ્યો. યુવકને અન્ય સ્થળે લઈ જઈને ધારદાર હથિયાર દ્વારા તેના ગુપ્તાંગને કાપી નાખવામાં આવ્યું. લોહીમાં લથબથ યુવકને સારગપુરના જંગલમાં ફેંકી દેવામાં આવ્યો હતો.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
