Team Chabuk-National Desk: પોતાની અંગત જિંદગીના કારણે ચર્ચામાં રહેતી મહિલા IAS અધિકારી ટીના ડાબી એક વખત ફરી સમાચારમાં છે. 2016માં યુપીએસસી બેન્ચની ટોપર ટીના ડાબી બીજી વખત પ્રભુતામાં પગલાં માંડવા જઈ રહી છે. તેણી પ્રદીપ ગવાંડે સાથે વેવિશાળ કરશે. બંનેએ સગાઈ કરી લીધી છે અને આ વાતની જાણકારી પોતાના ઈન્સ્ટાગ્રામ મારફતે લોકોને આપી હતી. એવામાં અધિકારી પ્રદીપ ગવાંડે કોણ છે તેના વિશે જાણીએ.
મહારાષ્ટ્રના રહેવાસી પ્રદીપ ગવાંડે 2013ની બેચના રાજસ્થાનના કેડર આઈએએસ અધિકારી છે. હાલ તેઓ જયપુરમાં જ ફરજ બજાવી રહ્યા છે અને રાજસ્થાનની આર્કિયોલોજી એન્ડ મ્યુઝિયમ ડિપાર્ટમેન્ટના ડાયરેક્ટર છે. પ્રદીપ આઈએએસ અધિકારી ટીના ડાબીથી ત્રણ વર્ષ સિનિયર છે અને તેના પણ આ બીજા લગ્ન છે.
પ્રદીપ ગવાંડેનો જન્મ 9 ડિસેમ્બર 1980માં મહારાષ્ટ્રમાં થયો હતો. એ ટીના ડાબી કરતા 13 વર્ષ મોટા છે. ટીના ડાબીનો જન્મ 9 નવેમ્બર 1993માં થયો હતો. ટીનાએ 23 વર્ષની વયે યુપીએસસી ટોપ કર્યું હતું. પ્રદીપ ગવાંડે આઈએએસ ઓફિસર બનતા પહેલા એમબીબીએસ ડોક્ટર હતા. રાજસ્થાનના કેટલાય જિલ્લાઓમાં કલેક્ટર તરીકેને સેવા પણ આપી ચૂક્યો છે.
પ્રદીપ ગવાંડે પર ભ્રષ્ટાચારનો પણ આરોપ લાગી ચૂક્યો છે. આરએસએલડીસીમાં એમડી રહેતા ભ્રષ્ટાચારના કેસમાં તેમનું નામ ઉછળ્યું હતું. એન્ટી કરપ્શન બ્યૂરોએ તેમના પર કેસ પણ ફાઈલ કર્યો હતો. પ્રદીપ સિવાય અન્ય આઠ લોકોની વિરુદ્ધ પણ કેસ નોંધવામાં આવ્યો હતો. સપ્ટેમ્બર 2021માં એન્ટી કરપ્શન બ્યૂરોની ટીમે તેમની બે કલાકથી વધારે સમય પૂછપરછ કરી હતી. એસીબીની નોંધાયેલી ફર્સ્ટ ઈન્ફોર્મેશન રિપોર્ટના આધારે અધિકારી પહેલા કૌશલ વિકાસ યોજનાઓ ચલાવનારા ટ્રેનિંગ સેન્ટર્સને બ્લેકલિસ્ટ કરતા હતા, એ પછી બ્લેકલિસ્ટમાંથી તેમને હટાવવાનો વાટાઘાટો કરવામાં આવતો હતો.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
