Team Chabuk-National Desk: ગોવા પોલીસની ક્રાઈમ બ્રાંચે પણજીની પાસે સંગોલ્ડા ગામમાં ચાલી રહેલા સેક્સ રેકેટનો પર્દાફાશ કર્યો હતો. જેમાં ટીવી અભિનેત્રી સહિત ત્રણ મહિલાઓ અને હૈદરાબાદની એક વ્યક્તિની ધરપકડ કરવામાં આવી છે. ક્રાઈમ બ્રાન્ચના જણાવ્યા અનુસાર, ટીવી અભિનેત્રી અને અન્ય એક મહિલા મુંબઈની પાસે વિરારમાં રહેનારી છે. ત્રીજી મહિલા હૈદરાબાદની છે.
ક્રાઈમ બ્રાન્ચે આરોપીઓને પકડવા માટે જાળ બિછાવ્યો હતો અને સંગોલ્ડાની એક હોટલમાં હૈદરાબાદની વ્યક્તિ પાસે 50 હજારમાં ડિલ ફાઈનલ કરી હતી. એ પછી દલાલે જેવી ત્રણ મહિલાઓને સામે લાવી તેમની ધરપકડ કરી લેવામાં આવી. ગોવા પોલીસની ક્રાઈમ બ્રાન્ચ તરફથી મીડિયાને જાણકારી આપવામાં આવી હતી, જેમાં પોલીસને સ્પષ્ટ સૂચના મળી હતી કે હાફિઝ સૈયદ બિલાલ નામનો વ્યક્તિ દેહ વ્યાપારની ગતિવિધિ સાથે સંડોવાયેલો છે. સૂચનાના આધાર પર પોલીસે ટ્રેપ ગોઠવ્યો હતો.
પોલીસે જણાવ્યું હતું કે આ સૂચનાની પુષ્ટી કર્યાં બાદ હૈદરાબાદના રહેવાસી શખ્સ સાથે નકલી ગ્રાહક મોકલી ડિલ ફાઈનલ કરી હતી. ડિલ હેઠળ પચાસ હજાર રૂપિયા આપવાના હતા અને પૈસા સંગોલ્ડ ગામની એક હોટલમાં ચૂકવવાના હતા. ક્રાઈમ બ્રાન્ચે જણાવ્યું હતું કે 26 વર્ષીય વ્યક્તિની 17 માર્ચના રોજ ધરપકડ કરી લેવામાં આવી હતી. એ ત્રણ અન્ય મહિલાઓની સાથે ત્યાં પહોંચ્યો હતો. પોલીસના જણાવ્યા અનુસાર જે મહિલાઓની ધરપકડ કરવામાં આવી છે તેમની વય 30થી 37ની વચ્ચે છે.
(તસવીર પ્રતીકાત્મક છે.)
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
