60 વર્ષના અભિનેતા આશીષ વિદ્યાર્થી સાથે લગ્ન કરનાર રૂપાલી બરુઆ (rupali Barua) કોણ છે ?

Team Chabuk-Entertainment Desk: બોલિવુડ અને સાઉથની ફિલ્મોમાં પોતાનો જાદુ પાથરનાર જાણીતા વિલેન આશીષ વિદ્યાર્થીએ (Ashish Vidhyarthi) 60 વર્ષની ઉંમરે બીજા લગ્ન કર્યા છે. તેમણે અસમની રહેવાસી રૂપાલી બરુઆ (rupali Barua) સાથે ગઈકાલે 25 મેના રોજ લગ્ન કર્યા છે. આશીષ વિદ્યાર્થીએ બીજા લગ્ન કરતાં જ તેમની બીજી પત્ની રૂપાલી બરુઆની તસવીરો સોશિયલ મીડિયામાં સામે આવી છે. લોકો બન્નને શુભેચ્છા પણ પાઠવી રહ્યા છે. તો ઘણા લોકોને સવાલ થઈ રહ્યો છે કે 60 વર્ષના આશીષ વિદ્યાર્થી સાથે લગ્ન કરનાર આ રૂપાલી બરુઆ કોણ છે.

કોણ છે રૂપાલી બરુઆ

રૂપાલી બરુઆ આસામના ગુવાહાટીની રહેવાસી છે. તે વ્યવસાયે એક ફેશન ડિઝાઈનર છે. રૂપાલી બરુઆ ખૂબ જ ખૂબસૂરત છે સાથે જ તે સેલ્ફ ડિપેન્ડેન્ટ મહિલા છે. રૂપાલી બરુઆ કોલકાતામાં એક ફેશન સ્ટોર ધરાવે છે અને પોતાનો વ્યવસાય કરે છે. રૂપાલીએ પોતાની બે મિત્ર મેઘાલી અને નમિતા સાથે મળીને કોલકાતામાં Nameg નામથી એક બુટીક અને Narumeg નામથી એક કેફે ખોલ્યું છે જે 32 હજાર સ્કેવર ફૂટમાં ફેલાયેલું છે. જેને ખુદ રૂપાલી સંભાળી રહી છે.

આશીષ વિદ્યાર્થી અને રૂપાલી બરુઆની લવ સ્ટોરી

ફેશન ડિઝાઈનર રૂપાલી બરુઆ અને અભિનેતા આશીષ વિદ્યાર્થીની લવ સ્ટોરી વિશે વાત કરતાં આશીષ વિદ્યાર્થીએ જણાવ્યું હતું કે, આ ઘણી લાંબી વાત છે. જ્યારે રૂપાલીએ જણાવ્યું હતું કે, તેઓ આશીષ વિદ્યાર્થીને થોડા સમય પહેલા જ મળી હતી અને ત્યારે જ તેણીએ નિર્ણય લઈ લીધો હતો કે તે આ સંબંધને આગળ વધારશે. હવે બન્નેએ પરિવારની હાજરીમાં 25 મેના રોજ લગ્ન કરી લીધા છે.

તાજેતાજો ઘાણવો

• સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
• ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
• રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
• સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
• શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત