Team Chabuk-National Desk: રેપિડો બાઇક ચાલકનું ગંદું કૃત્ય સામે આવ્યું છે. બેંગલુરુમાં એક મહિલાએ રેપિડો બાઇક ટેક્સીના ડ્રાઇવર પર રાઇડ દરમિયાન અભદ્ર વર્તન અને જાતીય સતામણીનો આરોપ લગાવ્યો હતો. પોતાની ઘટનાનું વર્ણન કરતાં એક મહિલાએ કહ્યું કે રેપિડો બાઈક બુક કરાવ્યા બાદ તેણે પોતાની સફર ડરમાં પસાર કરી હતી. મહિલાએ ટ્વીટ કરીને પોતાની આખી ઘટના વર્ણવી છે. મહિલાએ કહ્યું હતું કે તે મણિપુર હિંસા અંગેના પ્રદર્શનમાં ભાગ લેવા માટે બેંગલુરુના ટાઉન હોલમાં ગઈ હતી. આ દરમિયાન, ઘણી વખત કેબ કેન્સલ કર્યા પછી, આખરે તેણે રેપિડો બાઇક બુક કરાવવી પડી, પરંતુ બાઇકનું બુકિંગ મોંઘું સાબિત થયું હતું.
મહિલાએ ટ્વીટ કરીને કહ્યું હતું કે, ‘ડ્રાઈવર એક અલગ બાઇક પર આવ્યો અને કહ્યું કે જે બાઇક રેપિડોમાં રજીસ્ટર્ડ છે તે સર્વિસ માટે ગઈ છે. મેં તેની એપ દ્વારા મારું બુકિંગ કન્ફર્મ કર્યું અને હું રાઈડ માટે આગળ વધી. પ્રવાસ દરમિયાન અમે એવા દૂરના વિસ્તારમાં પહોંચ્યા જ્યાં આસપાસ કોઈ નહોતું. ચોંકાવનારી વાત એ છે કે ડ્રાઈવરે એક હાથે બાઇક ચલાવવાનું શરૂ કર્યું અને બીજા હાથે હસ્તમૈથુન કરવા લાગ્યો હતો. મારી સલામતીના ડરથી, હું આખી મુસાફરી દરમિયાન મૌન રહી.
મહિલાએ આગળ જણાવ્યું હતું કે, ‘મારા ઘરનું લોકેશન છુપાવવા માટે મેં તેને મને મારા ઘરથી 200 મીટર પહેલાં ડ્રોપ કરવા કહ્યું. જ્યારે હું ઘરે પહોંચી ત્યારે તેણે મને વોટ્સએપ પર સતત કોલ અને મેસેજ કરવાનું શરૂ કર્યું. હેરાનગતિ રોકવા માટે મારે તેનો નંબર બ્લોક કરવો પડ્યો.
મહિલાએ ટ્વિટર પર વોટ્સએપ ચેટનો સ્ક્રીનશોટ પણ શેર કર્યો છે. તેમાં ડ્રાઈવરનો નંબર પણ દેખાઈ રહ્યો છે. આ ચેટમાં રેપિડો ડ્રાઈવરે સૌથી પહેલા Hi લખીને મેસેજ કર્યો છે અને તેની સાથે બે કિસિંગ ઈમોજી પણ મોકલ્યા છે. જ્યારે મહિલાએ તેને પૂછ્યું કે ઓનલાઈન પેમેન્ટ થઈ ગયું છે તો તું મને વારંવાર કેમ ફોન કરે છે ? આના પર ડ્રાઈવરે પ્લીઝ લખીને મેસેજ કર્યો. આ પછી તેણે લખ્યું- ‘મૅમ, હું તમને પ્રેમ કરું છું.’ ડ્રાઈવરે આટલું કહેતાં જ મહિલાએ તે નંબર બ્લોક કરી દીધો હતો.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
