ગાંધીનગર મનપાની ચૂંટણીમાં ભગવો લહેરાયો, જાણો ક્યા વોર્ડમાં કોને કેટલા મત મળ્યા

Team Chabuk-Political Desk: ગાંધીનગર મહાનગરપાલિકાની ચૂંટણીમાં ભાજપે ભવ્ય અને ઐતિહાસિક જીત મેળવી છે. પ્રથમ વખત ગાંધીનગર મહાનગરપાલિકાનો સરતાજ ભાજપના શીરે આવ્યો છે. ગાંધીનગર મહાનગરપાલિકાના 11 વોર્ડની 44 બેઠકમાંથી ભાજપે 41 બેઠક પર વિજય મેળવ્યો છે. જ્યારે કોંગ્રેસના ફાળે 2 બેઠક અને આમ આદમી પાર્ટીના ફાળે 1 બેઠક જ આવી છે. ભાજપે ગાંધીનગર મનપાની ચૂંટણીમાં પોતાનું શ્રેષ્ઠ પ્રદર્શન કરીને કોંગ્રેસ અને આમ આદમી પાર્ટીની મહેનત પર પાણી ફેરવી નાખ્યું છે. ગાંધીનગર મનપાની ચૂંટણીના જીતનો શ્રેય મુખ્યમંત્રી ભૂપેન્દ્ર પટેલ અને ભાજપ પ્રદેશ પ્રમુખ સી.આર.પાટીલને આપવામાં આવી રહ્યો છે. આગામી વર્ષે યોજાનારી વિધાનસભાની ચૂંટણી પહેલાનું આ પરિણામ ભાજપને હાશકારો આપનારું બન્યું છે. હાલ ભાજપમાં દિવાળી જેવો માહોલ છે. પ્રદેશ કાર્યાલય કમલમ ખાતે જીતનો જશ્ન મનાવવામાં આવી રહ્યો છે. વિજયોત્સવમાં મુખ્યમંત્રી અને પ્રદેશ પ્રમુખ સહિત મોટી સંખ્યામાં કાર્યકરો ઉપસ્થિત રહ્યા હતા.

જીત મેળવનાર ઉમેદવારો

ત્રણ વોર્ડમાં પેનલ તૂટી

ગાંધીનગર મહાનગરપાલિકાની ચૂંટણીમાં પ્રથમ વખત જીત મેળવનાર ભાજપે કોંગ્રેસ અને આમ આદમી પાર્ટીના સૂપડાં સાફ કરી નાખ્યા છે. કુલ 11 વોર્ડમાંથી 8 વોર્ડમાં ભાજપના આખી પેનલની જીત થઈ છે જ્યારે માત્ર ત્રણ વોર્ડમાં ભાજપની પેનલ તૂટી છે. જેમાં વોર્ડ નંબર 2માં કોંગ્રેસના ગજેન્દ્રસિંહ વાઘેલાની જીત થઈ છે. વોર્ડ નંબર 3માં કોંગ્રેસના અંકિત બારોટ અને વોર્ડ નંબર 6માં આમ આદમી પાર્ટીના તુષાર પરીખની જીત થઈ છે.

તાજેતાજો ઘાણવો

• સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
• ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
• રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
• સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
• શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત