Team Chabuk-Entertainment Desk: રોહિત શેટ્ટી દિગ્દર્શીત અને અક્ષય કુમાર તેમજ કેટરીના કૈફ અભિનીત ફિલ્મ ‘સૂર્યવંશી’ને ધમાકેદાર પ્રતિસાદ મળી રહ્યો છે. ફિલ્મે માત્ર 5 દિવસમાં જ 100 કરોડથી વધુની કમાણી કરી લીધી છે. આ ફિલ્મમાં એક ગુજરાતી કલાકારને પણ રોલ મળ્યો છે. આ ગુજરાતી કલાકાર નાનકડો રોલ ભજવીને છવાઈ ગઈ છે. આ અભિનેત્રીનું નામ છે હેલિન શાસ્ત્રી. ફિલ્મમાં હેલિને ATSની કર્મચારી માલવિકા ગુપ્તાનો રોલ ભજવ્યો છે.
હેલિન શાસ્ત્રી ગુજરાતી છે. ચાહકોએ હેલિનના ઘણાં જ વખાણ કર્યા હતા અને આ સાંભળીને હેલિન એકદમ ભાવુક થઈ ગઈ હતી. સોશિયલ મીડિયા પર વીડિયો શૅર કરીને હેલિને કહ્યું હતું, ‘ફિલ્મમાં મારો રોલ બહુ જ નાનો છે, પરંતુ તમે લોકોએ ઘણી જ પ્રશંસા કરી. મને ખ્યાલ નથી કે હું કેમ રડી રહી છું. કદાચ આ ખુશીના આંસુ છે.’ અન્ય એક પોસ્ટમાં હેલિને કહ્યું હતું, ‘સૂર્યવંશી’ મારા માટે એક ફિલ્મ નહીં, પરંતુ લાગણી છે.’
Thank you thank you so much for spotting me in #Sooryavanshi rishika & sharing that everyone laughed & clapped on our scene.can’t be proud of myself & akshay sir used my surname was a improvised dialogue after lnowing my name haelyn shastri #shastriinsooryavanshi #akshaykumar pic.twitter.com/nJKoSQCuhj
— Haelyn Shastri (official) (@thehaelyn) November 5, 2021
11 એપ્રિલ, 1993માં પોરબંદરમાં ગુજરાતી પરિવારમાં જન્મેલી હેલિન શાસ્ત્રીનું સાચું નામ હિનલ બાંભણિયા છે. હેલિન ગોંડલમાં મોટી થઈ છે. જોકે પિતાની નોકરીને કારણે હેલિન અનેક શહેરોમાં ફરી છે. હાલ તેનો પરિવાર દુબઈમાં રહે છે. હેલિને ગુજરાતની સેન્ટ મેરી સ્કૂલમાં અભ્યાસ કર્યો છે અને મુંબઈ યુનિવર્સિટીમાંથી ગ્રેજ્યુએશનની કર્યું છે.
હેલિને મુંબઈ આવીને શરૂઆતમાં વિવિધ સિરિયલમાં નાના-નાનો રોલ કર્યા હતા, જેમાં ‘યે હૈ મહોબ્બતે’, ‘કુમકુમ ભાગ્ય’, ‘કોડ રેડ’, ‘મે આઇ કમ ઇન મેડમ’ સામેલ છે. ‘અલિફ લૈલા’માં પણ હેલિને મહત્વનો રોલ ભજવ્યો છે.
ATS MALVIKA Grooving on #NaaJaa Song #sooryavanshi 💃🏻
— Haelyn Shastri (official) (@thehaelyn) November 4, 2021
I know i’m not suppose to move my legs but hey i couldn’t stop myself from taking bit of risk… hopefully it doesnt backfire me😅🥲 @akshaykumar
Crack just healed 🙈#sooryavanshiatpvr #sooryavanshiatvox #akshaykumar pic.twitter.com/hNO7R0PfVb
આ ઉપરાંત 2016માં હેલિને મલયાલમ ફિલ્મ ‘ઇન્સ્પેક્ટર દાઉદ ઈબ્રાહિમ’માં ઇન્સ્પેક્ટર ઝરીનાની ભૂમિકા ભજવી હતી. હિંદી ફિલ્મ ‘યે હૈ ઇન્ડિયા’માં પણ હેલિન જોવા મળી હતી. 2018માં લોકપ્રિય ટીવી સિરયલ ‘વિધ્નહર્તા ગણેશ’ તથા ‘તેનાલી રામા’માં પણ હેલિને કામ કર્યું છે.
તાજેતાજો ઘાણવો
- પહેલગામમાં આતંકી હુમલામાં 26 પ્રવાસીઓના મોત, આતંકીઓએ નામ પૂછીને ગોળી મારી
- રાજકોટ-મુંબઈ વચ્ચે દોડશે સુપરફાસ્ટ તેજસ ટ્રેન, જાણી લો ટાઈમટેબલ
- રાજ્ય સરકારના કર્મચારીઓના મોંઘવારી ભથ્થામાં વધારો
- ઊના: સૈયદ રાજપરામાં થયેલી ઘરફોડ ચોરીનો ભેદ ઉકેલાયો, પાડોશી મહિલાએ જ કરી કળા !
- સુરેન્દ્રનગરમાં સી.યુ. શાહ ટી.બી. હોસ્પિટલની બેદરકારીના કારણે દીકરીનો જીવ ગયો હોવાનો આરોપ
