Team Chabuk-Gujarat Desk: ગુજરાત વિધાનસભાની ચૂંટણીને લઈને રાજ્યના બે મુખ્ય પક્ષ ભાજપ અને કોંગ્રેસે હજુ સુધી એક પણ ઉમેદવારની સત્તાવાર જાહેરાત નથી કરી ત્યારે ત્રીજા પક્ષ તરીકે ઉભરી આવેલા આમ આદમી પાર્ટીએ કુલ 55 જેટલા ઉમેદવારોની યાદી અત્યાર સુધી જાહેર કરી દીધી છે. આજ રોજ 17 ઓક્ટોબરના રોજ ગુજરાતના આમ આદમી પાર્ટીના પ્રદેશ અધ્યક્ષ ગોપાલ ઈટાલિયાએ પ્રેસ કોન્ફરન્સ કરીને વધુ 12 ઉમેદવારોની યાદી જાહેર કરી છે. અગાઉના 43 અને આજના વધુ 12 એમ કુલ 55 ઉમેદવારોની યાદી આમ આદમી પાર્ટી જાહેર કરી ચુકી છે.
આજે ગોપાલ ઈટાલિયાએ પ્રેસ કોન્ફરન્સ સંબોધીને વધુ 12 ઉમેદવારોની યાદી વિધાનસભા ચૂંટણી માટે જાહેર કરી છે.
આ 12 બેઠકો પર જાહેર કર્યા ઉમેદવાર
| બેઠક | ઉમેદવારનું નામ |
| ભુજ | રાજેશભાઈ પિંડોરીયા |
| ઈડર | જયંતિભાઈ પ્રણામી |
| નિકોલ (અમદાવાદ) | અશોકભાઈ ગજેરા |
| સાબરમતી (અમદાવાદ) | જશવતંભાઈ ઠાકોર |
| ટંકારા | સંજયભાઈ ભટાસણા |
| કોડીનાર | વાલજીભાઈ મકવાણા |
| મહુધા | રાવજીભાઈ વાઘેલા |
| બાલાસિનોર | ઉદેસિંહ ચૌહાણ |
| મોરવાહડફ | ભાણાભાઈ ડામોર |
| ઝાલોદ | અનિલભાઈ ગરાશિયા |
| ડેડિયાપાડા | ચૈતરભાઈ વસાવા |
| વ્યારા | બિપીનભાઈ ચૌધરી |
મહત્વનું છે કે, વિધાનસભાની ચૂંટણી જેમ જેમ નજીક આવી રહી છે તેમ તેમ રાજકીય પક્ષો મહેનતમાં લાગી ગયા છે. જો કે હજુ સુધી ભાજપ-કોંગ્રેસે ઉમેદવારોની યાદી જાહેર કરી નથી. ત્યારે ઉમેદવારોની યાદી જાહેર કરવામાં આમ આદમી પાર્ટી આગળ ચાલી રહી છે. થોડા જ દિવસોમાં વિધાનસભાની ચૂંટણી જાહેર થાય તેવી શક્યતાઓ દેખાઈ રહી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
