Team Chabuk-Gujarat Desk: ગૃહમંત્રી હર્ષ સંઘવી તેમની કાર્યપ્રણાલીને લઈ ચર્ચામાં રહ્યા. સપાટા બોલાવ્યા. અગાઉના ગૃહમંત્રી પ્રદીપસિંહ જાડેજા સમયે જનતાએ ન જોયેલી કેટલીક કામગીરી પણ દેખાઈ. હવે આમ આદમી પાર્ટીના રાષ્ટ્રીય અધ્યક્ષ ગોપાલભાઈ ઈટાલીયાએ ફેસબુકના માધ્યમથી હર્ષ સંઘવીને કેટલાક સવાલો પૂછ્યાં છે અને તેમના પર કટાક્ષ પણ કર્યો છે.
તેમણે પેપર ફૂટ્યાની વાત પર ચાબખા મારતા લખ્યું છે કે, ‘ગૃહમંત્રી હર્ષ સંઘવી નવા નવા મંત્રી બન્યા પછી થોડાક દિવસ ખુબ જ નકલી સિંઘમગીરી કરી અને સીન-સપાટા કર્યા, પણ પેપર ફૂટ્યાની ઘટનામાં ભાજપના નેતાઓ હોવાની અંદરખાને ચર્ચાએ જોર પકડતા હર્ષભાઈ ગાયબ થઈ ગયા છે.’
તેઓએ હર્ષ સંઘવી સામાન્ય બાબતે પણ મીડિયામાં હીરોગીરી કરવા લાગતા હતા કહી ઉમેર્યું છે કે, ‘હર્ષ સંઘવી કોરોના ઈન્જેકશન સમયથી મીડિયામાં આવીને છીછરી કક્ષાની હીરોગીરી કરવા માટે જાણીતા છે. સાવ સામાન્ય ઘટના બની હોય ત્યાં પણ હર્ષ સંઘવી પહોંચી જાય અને મીડિયામાં હીરોગીરી કરવા લાગતા હતા, પણ પેપર ફૂટવાની ઘટનામાં ભાજપના જ નેતાઓના નામ હોવાની અંદરખાને ચર્ચા ચાલુ થતા હર્ષ સંઘવીની બોલતી બંધ થઈ ગઈ છે.’
તેમણે પોતાના લખાણમાં ગૃહમંત્રીને પડકાર ફેંકતા કહ્યું છે કે અત્યારે હીરોગીરી કરવાનો યોગ્ય સમય છે. આપના અધ્યક્ષે લખ્યું છે કે, ‘અગાઉ ઘણીવાર પેપર ફૂટ્યા પરંતુ કોઈને સજા નથી થઈ એટલે પેપરફોડુંઓની હિંમત વધી છે. હર્ષ સંઘવીને હીરોગીરી કરવાનો શોખ હોય તો અત્યારે યોગ્ય સમય છે. હેડ ક્લાર્કનું પેપર ફોડવામાં મદદ કરનાર ભાજપના નેતાઓ સહિત તમામ આરોપીઓનું ગધેડા ઉપર બેસાડીને આખા ગુજરાતમાં સરઘસ કાઢે તો સિંઘમ ગૃહમંત્રી માનીએ.’
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
