જો આશીષનું નામ અતીક હોત તો અત્યાર સુધીમાં તેને ઠોકી દીધો હતો: ઓવૈસી

Team Chabuk-Political Desk: અસદુદ્દીન ઓવૈસીએ રવિવારના રોજ ગાઝિયાબાદના મસૂરીમાં ચૂંટણી રેલીને સંબોધિત કરી હતી. ભાષણમાં તેમણે શાહરૂખ અને તેના પુત્ર આર્યનનું નામ લીધા વગર કહ્યું હતું કે, તેઓ એ લોકોની વાત નહીં ઉચ્ચારે જેમના પિતા તાકતવર છે. બોલિવુડના બાદશાહ શાહરૂખ ખાનના પુત્ર આર્યન ખાન મુંબઈ ડ્રગ્સ કેસમાં જેલની હવા ખાઈ રહ્યો છે. આર્યનને લઈ કેટલાક લોકો શાહરૂખને ટેકો આપી રહ્યા છે. તો કેટલાક લોકો તેની આલોચના પણ કરી રહ્યા છે. આ વચ્ચે એઆઈએમઆઈએમના પ્રમુખ અસદુદ્દીન ઓવૈસીએ પણ આર્યન ખાનનું નામ લીધા વગર નિવેદન આપ્યું હતું.

આર્યન ખાનનું નામ લીધા વગર અસદુદ્દીન ઓવૈસીએ કહ્યું કે, મને કહેવામાં આવી રહ્યું છે કે ફિલ્મ સ્ટારના પુત્ર માટે બોલું. પણ હું એમની વાત કરીશ જેવો તવંગર છે. ઉત્તર પ્રદેશની જેલમાં 27 ટકા મુસ્લિમો બંધ છે. તેમની વાત કોણ કરશે?

ઓવૈસીએ સંબોધન દરમ્યાન લખીમપુર ઘટનાને લઈ સરકાર પર નિશાનો સાધ્યો હતો. ઓવૈસીએ પ્રહાર કરતા કહ્યું કે, આશીષ તાકતવર છે. ઉંચી જાતિથી છે, જેથી પ્રધાનમંત્રી તેમના પિતાને હટાવી નથી શકતા. જો આશીષનું નામ અતીક હોત તો અત્યાર સુધીમાં તેને ઠોકી દીધો હોત કે ઘર પર બુલડોઝર ચડાવી દેવામાં આવેત. અસદુદ્દીન ઓવૈસીએ લખીમપુર કાંડમાં ઉત્તર પ્રદેશના મુખ્યમંત્રી યોગી આદિત્યનાથની અબ્બાજાનવાળી ટીપ્પણી પર પ્રહાર કરી પૂછ્યું હતું કે, મોદી-યોગી આશીષના અબ્બાને શા માટે બચાવી રહ્યા છે?

ઓવૈસીએ કહ્યું કે, આપણા પ્રધાનમંત્રી ચીનનું નામ લેતા જ ભયભીત થઈ જાય છે. ચીને અરુણાચલ પ્રદેશમાં એક ગામ બનાવી લીધું છે અને મોદીજી શાંત છે. લદ્દાખ, કપસાનમાં ચીનની આર્મી આપણી જમીન પર કબ્જો જમાવીને બેઠી છે. પણ પ્રધાનમંત્રી કંઈ નથી બોલી રહ્યા. આશરે 35 મિનિટના ભાષણમાં ઓવૈસીએ ભાજપ પર ભરપૂર શાબ્દિક પ્રહાર કર્યાં હતાં. ઓવૈસીએ હિન્દુ અને દલિત સમુદાય પર પણ ભાષણ આપ્યું હતું.

તાજેતાજો ઘાણવો

• સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
• ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
• રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
• સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
• શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત