કેન્દ્ર સરકારના ત્રણ કૃષિલક્ષી કાયદાના વિરોધમાં પંજાબ, હરિયાણા, ઉત્તરપ્રદેશ સહિતના રાજ્યના ખેડૂતો રસ્તા પર ઉતરી આવ્યા છે અને સરકારને આ નિર્ણય પરત લેવા માટે માગ કરી રહ્યા છે. ખેડૂતો દિલ્હી કુચ માટે આગળ વધી રહ્યા છે પરંતુ કેન્દ્ર સરકાર દ્વારા તમામ બોર્ડર, રસ્તાઓ સીલ કરીને ખેડૂતો સામે બળ પ્રયોગ કરીને તેઓને રોકવામાં આવી રહ્યા છે. ત્યારે આ મુદ્દે હવે બોલિવુડ હસ્તીઓ પણ પોતાનો મત પ્રગટ કરી રહી છે. ખેડૂતોના આંદોલન મુદ્દે કોમેડી કિંગ કપિલ શર્માએ પણ ટ્વિટ કરીને પોતાનું મંતવ્ય વ્યક્ત કર્યું હતું.
કપિલ શર્માએ રવિવારે ખેડૂતોના મુદ્દે ટ્વિટ કરતાં એક યુઝરે કપિલ શર્માને વણમાગી સલાહ આપી દીધી. કપિલ શર્માએ પણ આ યુઝરને પોતાની જ ભાષામાં જવાબ આપ્યો. બાદમાં કપિલ શર્માના સમર્થનમાં કેટલાક યુઝર્સ ઉતરી આવ્યા અને કપિલ શર્માને સલાહ આપનાર યુઝરને ઉધડો લઈ લીધો.
કોમેડી કિંગ કપિલ શર્માએ ટ્વિટ કરીને લખ્યું કે, ‘ખેડૂતોના મુદ્દાને રાજનૈતિક રંગ ના આપીને વાતચીતથી આ મામલાનું નિરાકરણ લાવવું જોઈએ. મુદ્દો એટલો મોટો નથી હોતો કે વાતચીતથી તેનું નિરાકરણ ન આવી શકે. અમે બધા દેશવાસીઓ ખેડૂત ભાઈઓની સાથે છીએ. તેઓ અમારા અન્નદાતા છે.’
किसानो के मुद्दे को राजनीतिक रंग ना देते हुए बातचीत से इस मसले का हल निकालना चाहिए।कोई भी मुद्दा इतना बड़ा नहीं होता के बातचीत से उसका हल ना निकले।हम सब देशवासी किसान भाइयों के साथ हैं। यह हमारे अन्नदाता हैं।#farmers
— Kapil Sharma (@KapilSharmaK9) November 29, 2020
કપિલ શર્માના આ પ્રકારના ટ્વિટ બાદ જીગર રાવત નામનો એક ટવિટર યુઝર કપિલ શર્માને સલાહ આપવા પહોંચી ગયો અને કપિલ શર્માને જવાબ આપતા લખ્યું કે, ‘ચુપચાપ કોમેડી કર, રાજનીતિ કરવાની કોશિશ ન કર, વધુ પડતાં ખેડૂત હિતેચ્છક બનવાનો પ્રયત્ન ન કર, જે તારું કામ છે તેના પર ધ્યાન આપ’
कॉमेडी कर चुप चाप , राजनीति करने की कोशिश मत कर
— Jiger Rawat🇮🇳🚩🚩🇮🇳 (@JigerRawat) November 29, 2020
ज्यादा किसान हितैसी बनने की कोशिश मत कर ,जो काम तेरा है उस पर फोकस रख ,
આ યુઝરને જવાબ આપતા કપિલ શર્માએ કહ્યું કે, ‘ભાઈ હું તો મારું કામ જ કરી રહ્યો છું, તમે પણ કરો, દેશભક્ત લખવાથી કોઈ દેશભક્ત નથી બની જતું, કામ કરો અને દેશના વિકાસમાં યોગદાન આપો, 50 રૂપિયાનું રિચાર્જ કરાવીને ફાલતુ જ્ઞાન ન વહેંચો, ધન્યવાદ.’
भाई साहब मैं तो अपना काम कर ही रहा हूँ, कृपया आप भी करें, देशभक्त लिखने से कोई देशभक्त नहीं हो जाता, काम करें और देश की तरक़्क़ी में योगदान दें 🙏 50 rs का रीचार्ज करवा के फ़ालतू का ज्ञान ना बांटे। धन्यवाद #JaiJawanJaiKissan https://t.co/EIyByD9cHJ
— Kapil Sharma (@KapilSharmaK9) November 29, 2020
કપિલ શર્માને આ પ્રકારની સલાહ આપનાર અને ખેડૂતોના હિતેચ્છુ ન બનવાનું કહેનાર જીગર રાવત નામના યુઝરને કેટલાક યુઝર્સે મુંહતોડ જવાબ આપ્યો હતો. એક યુઝરે તો તેને બે રૂપિયા લઈને ટ્વિટ કરનાર પણ કહી દીધો અને ખેડૂત વિરુદ્ધ બોલતા પહેલા 100 વખત વિચાર કરવાનું કહ્યું.
Aapka kaam kya hai jigar sahab, 2 rupees leke tweet karna, jo kisan din raat mehnat karke humara pet bharte hai unke khilaaf bolne se pehle 100 baar sochna chahiye, but I know aapko mirchi kyu lag rahi hai
— neo7170 (@shrikant_717) November 29, 2020
પંકજ સૈની નામના એક યુઝરે જવાબ આપતા લખ્યું કે, ‘ખેડૂતો વિશે ખોટું બોલ્યો તો એટલો ટ્રોલ થઈશ કે ઘરની બહાર નીકળીશ તો શરમ આવશે.’
अबे इतने इतने ट्रोल हो जाओगे की घर से बाहर जाओगे तो शर्म आएगी अगर किसानों के बारे में कुछ गलत बोला तो।
— Pankaj Saini (@pankhusaini) November 29, 2020
ચાપલૂસી કરવા અને અંધભકિત સિવાય સાઇડમાં કંઇક કરો છો કે આનાથી જ પેટ ભરો છો..?.😂😂😂
— હિરેન પંચાલ (@hiren5673) November 29, 2020
જપનામ જપનામ કરો સમય આવે બાબાજી કી જય બોલતા પણ વિચાર કરશો
ઘણી વખત સેલિબ્રિટીઓના ટ્વિટ કર્યા બાદ આ પ્રકારના લોકો વણમાગી સલાહ અને ટીકા-ટિપ્પણીઓ કરવા ટપકી પડતાં હોય છે. એવી જ રીતે જીગર રાવત નામનો યુઝર પણ કપિલ શર્માને સલાહ આપવા પહોંચી ગયો. જો કે તેણે ખેડૂતોના હિતેચ્છુ ન બનવાનું કહેતા ટ્વિટર પર લોકો પણ ગુસ્સે ભરાયા અને જીગર રાવતની બોલતી બંધ કરી દીધી હતી.
કપિલ શર્મા પહેલા અન્ય કેટલાક સેલિબ્રિટીઓએ પણ ખેડૂત આંદોલન મુદ્દે પોતાનો મત રાખ્યો હતો. સોનુ સુદે ખેડૂતોને ભગવાન કહીને સમર્થન આપ્યુ હતું. તો તાપસી પન્નુ અને સ્વરા ભાસ્કરે પણ ખેડૂતોને સમર્થન જાહેર કર્યું હતું.
તાજેતાજો ઘાણવો
- 5 દિવસમાં આધારકાર્ડ અપડેટ કરાવી લેજો નહીં તો ચુકવવી પડશે ફી
- રેશનકાર્ડ ધારક ઘરેબેઠાં આ ત્રણ રીતે કરાવી શકશે KYC, જાણો પ્રક્રિયા
- સરકારી નોકરીયાતોને ઘી-કેળા ! આ તારીખથી વધી શકે છે મોંઘવારી ભથ્થુ
- ભરૂચઃ સાપે ડંખ માર્યો તો ભૂવા પાસે લઈ ગયા, ભૂવાએ તાંત્રિકવિધી કરી, બાળકનું મોત
- આધારકાર્ડમાં સરનામું અપડેટ કરાવવા નથી કોઈ દસ્તાવેજની જરૂર, આ છે પ્રક્રિયા
