Team Chabuk-Entertainment Desk: આખરે ફિલ્મ અભિનેત્રી કિયારા અડવાણી અને અભિનેતા સિદ્ધાર્થ મલ્હોત્રાએ લગ્નના બંધનમાં બંધાઈ ગયા. બંનેએ જેસલમેરમાં હોટેલ સૂર્યગઢના સ્ટેપવેલમાં વોક કર્યું હતું. શાહી લગ્ન માટે હોટલના મંડપને વિદેશી ફૂલોથી શણગારવામાં આવ્યો હતો. લગ્ન બાદ રિસેપ્શન હતું.
કિયારા અડવાણીએ પોતાના લગ્નની તસવીરો ઈન્સ્ટાગ્રામ પર શેર કરી છે. તેણે લખ્યું છે કે, હવે અમારું કાયમી બુકિંગ થઈ ગયું છે.
સિદ્ધાર્થ સફેદ ઘોડી પર બેસીને કિયારાને લેવા આવ્યો હતો.પંજાબી ઢોલ અને સંગીત સાથે જાન કાઢવામાં આવી હતી. લગ્નમાં અનેક દિગ્ગજ અભિનેતા અને અભિનેત્રી હાજર રહ્યા હતા. કરણ જોહર, શાહિદ કપૂર અને પરિવારે તેમાં ડાન્સ કર્યો હતો.
કિયારાએ પિક કલરનો લહેંગા પહેર્યો હતો અને સિદ્ધાર્થે વિદેશથી સફેદ કલરની શેરવાની પહેરી હતી. બંને ખુબ જ સુંદર લાગી રહ્યા હતા. હલ્દી સેરેમનીમાં વરરાજા અને વરરાજા બંનેને તેમના મિત્રો અને પરિવારની મહિલાઓ દ્વારા હળદર લગાવવામાં આવી હતી. જેસલમેરના પ્રખ્યાત ઘોટુવાં લાડુ પણ મહેમાનોને પીરસવામાં આવ્યા હતા.
મંગળવારે સવારથી જ હોટલની બહાર અને અંદર ગતિવિધી હતી. સુરક્ષા પણ ખૂબ જ ચુસ્ત હતી. હોટલના કર્મચારીઓ, ગાર્ડ અને ડ્રાઇવરોને પણ સંપૂર્ણ ચેકિંગ કર્યા પછી જ એન્ટ્રી આપવામાં આવી હતી.
કિયારાના પિતા જગદીપ અડવાણી, માતા ગેનીવીવ અડવાણી, ભાઈ મિશાલ અડવાણી, કાકી સુમિતા અડવાણી, કાકા હરીશ અડવાણી, દાદી વૈલેરી અડવાણી, કાકી શાહીન અગ્રવાલ હાજર રહ્યા હતા.
સિદ્ધાર્થના પરિવારમાંથી પિતા સુનીલ મલ્હોત્રા, માતા રીમા મલ્હોત્રા, ભાઈ હર્ષદ મલ્હોત્રા, ભાભી પૂર્ણિમા, ભત્રીજો અધિરાજ મલ્હોત્રા, કાકા જયદીપ ભલ્લા, કાકી ઈરાસેલી, દાદી હરચરણ ભલ્લા, ભત્રીજી અવની, કાકી અંબિકા હોરા, કાકા અશોક રોહન, કાકી રોહન મલ્હોત્રા, મોમિના નૂર, ઈશિતા ભારદ્વાજ, વૈભવ ભારદ્વાજ, ફોઈના પુત્ર અર્જુન હોરા, અર્જુનની પત્ની ઝોયા હોરા, ભત્રીજો અધિરાજ મલ્હોત્રા લગ્નમાં પહોંચ્યા હતા.
ફિલ્મ ઈન્ડસ્ટ્રીના મહેમાનો પણ હાજર રહ્યા. ફેશન ડિઝાઇનર મનીષ મલ્હોત્રા, ફિલ્મ નિર્માતા કરણ જોહર, અભિનેતા મનીષ મલ્હોત્રા, અરમાન જૈન, શાહિદ કપૂર અને તેની પત્ની મીરા રાજપૂત, જુહી ચાવલા અને તેના પતિ જય મહેતા. મેક-અપ આર્ટિસ્ટ સ્વર્ણલેખા ગુપ્તા, હેર ડ્રેસર અમિત ઠાકુર, વેડિંગ ફિલ્મ શૂટર વિશાલ પંજાબી, ડીજે ગણેશ, હરિ અને સુખમણી અને સંગીત માટે જોન્કી, પતિ આનંદ પીરામલ સાથે ઈશા અંબાણી.
લગ્નના સમાચાર આવતા જ ફેન્સે બંનેને અભિનંદન આપ્યા હતા. સોશિયલ મીડિયા પર ટ્વીટ કરી લોકોએ વર-વધૂને નવી ઈનિંગ માટે શુભેચ્છા આપી હતી.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
