Team Chabuk-Special Desk: ચા એક એવું પીણું છે જેને ન માત્ર ભારત પરંતુ સમગ્ર વિશ્વમાં ખૂબ જ પસંદ કરવામાં આવે છે. સમગ્ર વિશ્વમાં લોકો તેને ખૂબ જ ઉત્સાહથી પીવે છે. ચા આપણી દિનચર્યાનો એટલો મહત્વનો ભાગ બની ગઈ છે કે તેના વિના મોટાભાગના લોકોની સવાર થતી નથી. સામાન્ય રીતે લોકો ચા બનાવ્યા પછી વધેલા ચાના પત્તા ફેંકી દે છે. પરંતુ શું તમે જાણો છો કે ચા બનાવ્યા પછી બાકી રહેલી ચાની પત્તી આપણા ઘણા કામમાં આવી શકે છે. જો તમે પણ બચેલી ચાની પત્તી ફેંકી દો છો તો આજે અમે તમને તેના કેટલાક ફાયદાઓ વિશે જણાવીશું, જેને જાણીને તમે ચાની પત્તી ફેંકવાનું બંધ કરી દેશો.
ઈજા થઈ હોય ત્યાં લગાડવામાં મદદરુપ થાય
ચા બનાવ્યા પછી બાકી રહેલ તેના પાન તમને ઈજા થઈ હોય તો તે ઘાને મટાડવામાં ઉપયોગી થઈ શકે છે. ચાના પાંદડામાં હાજર એન્ટીઑકિસડન્ટ ગુણધર્મો ઈજાને મટાડવામાં મદદરૂપ છે. આ માટે બાકીના પાંદડાને સારી રીતે સાફ કર્યા પછી, તેને પાણીમાં ઉકાળો. હવે તે ઠંડુ થઈ જાય પછી તેને ઈજા થઈ હોય તેના પર ધીમે-ધીમે લગાવો. થોડી વાર પછી આ ઘાને સ્વચ્છ પાણીથી સાફ કરો. આમ કરવાથી ઘા ઝડપથી રૂઝાવવામાં મદદ મળશે.
ઓઈલી વાસણની સફાઈ
જો તમે વાસણમાંથી ચિકાશ દૂર કરવા માંગો છો તો તમે તેના માટે બચી ગયેલી ચાના પાંદડાનો પણ ઉપયોગ કરી શકો છો.ઓઈલી વાસણોને સાફ કરવા માટે બાકીની ચાની પત્તીઓને સારી રીતે ઉકાળો અને પછી તેનાથી વાસણો સાફ કરો.
ઝાડને પોષણ આપે છે
જો તમે પણ બગીચાના શોખીન છો તો બાકીની ચાની પત્તી તમારા માટે ખૂબ જ ઉપયોગી સાબિત થઈ શકે છે. ચાના પાંદડા છોડને પોષણ આપવામાં મદદરૂપ સાબિત થઈ શકે છે. બાકીની ચાના પાંદડાને છોડના મૂળમાં નાખવાથી તે ખાતરનું કામ કરે છે, જેનાથી છોડ લીલા થાય છે.
ચા બનાવવા માટે ફરી ઉપયોગ કરો
જો તમે પણ વિચારતા હોય કે એક વખત ચા બનાવ્યા પછી બાકીની ચાની પત્તી ખરાબ થઈ જાય છે તો તમે બિલકુલ ખોટા છો. એકવાર ચા બનાવ્યા પછી તમે ફરીથી ચા બનાવવા માટે બાકીના પાંદડાઓનો ઉપયોગ કરી શકો છો. આ માટે, બાકીના પાંદડાને સારી રીતે ધોઈ લો અને તેને તડકામાં સૂકવી દો. હવે આ પાંદડાને એરટાઈટ ડબ્બામાં સ્ટોર કરો અને ચા બનાવવા માટે તેનો ફરીથી ઉપયોગ કરી શકો છો.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
