Team Chabuk-National Desk: દિલ્હીની અલગ અલગ બોર્ડર પર કૃષિ કાયદાઓનો વિરોધ ચાલી રહ્યો છે. વિપક્ષ ચોમાસુ સત્રમાં ભરપૂર વિરોધ કરીને સરકારને ઘેરી રહ્યું છે. એવામાં કોંગ્રેસના પૂર્વ અધ્યક્ષ રાહુલ ગાંધીએ પણ ખેડૂત કાયદાઓનાં વિરોધ પ્રદર્શનમાં ભાગ લીધો હતો. રાહુલ ગાંધી આજે ખૂદ ટ્રેક્ટર ચલાવીને સંસદ ભવન પહોંચ્યા હતા. રાહુલ જે ટ્રેક્ટરથી સંસદ ભવન પહોંચ્યા હતા તેમાં કાળા કલરનું બોર્ડ મારેલું હતું અને ‘ખેડૂત વિરોધી ત્રણે કૃષિ કાયદાઓ પરત લો… પરત લો’ લખવામાં આવ્યું હતું.
સંસદ પહોંચીને રાહુલ ગાંધીએ મીડિયાને કહ્યું હતું કે, ‘અમે ખેડૂતોનો સંદેશ લઈને સંસદમાં આવ્યા છીએ. ખેડૂતોનો અવાજ દબાવવામાં આવી રહ્યો છે. સરકારે કૃષિ કાયદાઓને પરત લેવા જોઈએ. આ કાયદો બે ત્રણ મોટા ઉદ્યોગપતિઓ માટે છે. ખેડૂતોના ફાયદા માટે નથી. આ કાળો કાયદો છે.’ જણાવી દઈએ કે કૃષિ કાયદાઓને લઈને આજે પણ સંસદ પર જોરદાર હંગામો થયો હતો.
ત્રણ કૃષિ કાયદાઓની વિરૂદ્ધ આંદોલનના આઠ મહિના પૂર્ણ થઈ ચૂક્યા છે. આ અવસર પર સોમવારના રોજ મહિલાઓએ જંતર-મંતર ખાતે ખેડૂત સંસદનું આયોજન કરશે. સંયુક્ત ખેડૂત મોર્ચો સંસદનું ચોમાસુ સત્ર શરૂ થયા બાદ 22 જુલાઈથી જ જંતર-મંતર પર ત્રણે કૃષિ કાયદાઓની વિરૂદ્ધ પ્રદર્શન કરી રહી છે. SKMએ (સંયુક્ત કિસાન મોર્ચા) દાવો કર્યો છે કે આઠ મહિનાથી જાહેર થયેલા વિભિન્ન રાજ્યોના લાખો ખેડૂતો ભાગ લઈ ચૂક્યા છે.
કોંગ્રેસ સાંસદ મનીષ તિવારીએ લોકસભામાં પેગાસસ પ્રોજેક્ટ રિપોર્ટ પર ચર્ચા માટે સ્થગન પ્રસ્તાવની નોટીસ આપી છે. આરોપ છે કે ત્રણસોથી વધારે ભારતીય હસ્તીઓનાં મોબાઈલ નંબર ઈઝરાયલ કંપની એનએસઓના પેગાસસ સ્પાઈવેયર મારફતે હેકિંગ માટે નિશાનો બનાવ્યા છે. જોકે સરકાર આ સમગ્ર ઘટનામાં વિપક્ષના તમામ આરોપોનો ઈન્કાર કરી રહી છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
