Team Chabuk-Special Desk: 15 માર્ચે શતભિષા નક્ષત્રમાં શનિદેવ ગોચર કરશે, જેનો સમય સવારે 11 વાગ્યે 40 મિનિટ હશે. વૈદિક જ્યોતિષ અનુસાર કુલ 27 નક્ષત્ર છે. માનવામાં આવે છે કે શતભિષા નક્ષત્ર ખૂબ જ ખાસ નક્ષત્ર છે. શતભિષા નક્ષત્રનો સ્વામી રાહુ છે. શનિદેવ 17 ઓક્ટોબર સુધી શતભિષા નક્ષત્રમાં રહેશે. જ્યોતિષ શાસ્ત્ર અનુસાર શનિ સૌથી ધીમી ગતિથી ચાલતો ગ્રહ છે. આ નક્ષત્રમાં શનિની સ્થિતિ અનુકૂળ માનવામાં આવે છે પરંતુ તેમ છતાં કેટલીક રાશિઓ એવી છે જેને તેનાથી નકારાત્મક અસરનો સામનો કરવો પડી શકે છે. ચાલો જાણીએ શતભિષા નક્ષત્રમાં શનિના ગોચરથી કઈ રાશિના જાતકોએ સાવધાન રહેવું પડશે.
1 કર્ક
આ સમયે સખત મહેનત કરવા છતાં તમારે પડકારોનો સામનો કરવો પડી શકે છે. કેટલાક લોકોએ તેમની નોકરી ગુમાવવી પડી શકે છે. કામના સ્થળ પર તમારે કેટલીક મુશ્કેલીઓનો સામનો કરવો પડી શકે છે. ધંધામાં રોકાણ કરનારા લોકોએ આ સમયે ખૂબ કાળજી રાખવી પડશે. આ સાથે કર્ક રાશિના લોકો માટે આ સમયે સાડા સાતી ચાલી રહી છે. જેના કારણે સ્વાસ્થ્ય બગડી શકે છે.
કન્યા
આ સમયે નોકરી કરતા લોકો પર કામનો દબાવ રહેશે. જે માનસિક તણાવનું કારણ બની શકે છે. નોકરીમાં બદલીનો સામનો કરવો પડી શકે છે. જે લોકો વેપાર સાથે જોડાયેલા છે તેમને પણ કેટલીક સમસ્યાઓનો સામનો કરવો પડી શકે છે. જેના કારણે વેપાર સૌથી વધુ પ્રભાવિત થશે. લગ્ન જીવનમાં ઉતાર-ચઢાવ આવી શકે છે. પરિવાર સાથે મતભેદ થઈ શકે છે.
વૃશ્ચિક
શતભિષા નક્ષત્રમાં શનિની ઉપસ્થિતિથી કરિયરમાં ઉતાર ચઢાવ આવી શકે છે. નોકરીમાં બદલાવ આવી શકે છે. જ્યારે, આ સમયે વૃશ્ચિક રાશિ પર શનિની ઢૈય્યા ચાલી રહી છે. વેપાર કરતા લોકો માટે શનિદેવનું નક્ષત્ર પરિવર્તન સારું સાબિત નહીં થાય. આર્થિક ક્ષેત્રે ઉતાર ચઢાવ જોવા મળી શકે છે.
વૃષભ
શનિદેવ વૃષભ રાશિના દસમા ભાવમાં સ્થિત થશે. આ સમયે નોકરી કરતા લોકોને બદલીનો સામનો કરવો પડી શકે છે. નોકરીમાં મોટા બદલાવનો સામનો કરવો પડી શકે છે. આ સમયે વેપારમાં ઘણી તકો આવશે, પરંતુ ક્યાંક તમારાથી ભૂલ થઈ શકે છે. આ ગોચરમાં વૃષભ રાશિના લોકોએ દરેક પગલું સાવધાનીપૂર્વક ઉઠાવવું પડશે. આ સમયે તમારે કામના સ્થળ પર સહકર્મીઓ સાથે નાની મોટી રકઝકનો સામનો કરવો પડી શકે છે.
કુંભ
આ સમયે કુંભ રાશિમાં બીજા તબક્કાની સાડા સાતી ચાલી રહી છે. આ સ્થિતિમાં નોકરી કરતા લોકોને લાગે છે કે તેમના પર કામનું દબાવ વધી ગયો છે. આ સમયગાળા દરમિયાન શક્ય છે કે તમને તમારા વરિષ્ઠ અને સહકર્મીઓનો સહયોગ ન મળે. જેઓ પોતાની કંપની ચલાવી રહ્યા છે તેઓને કોઈપણ નવું રોકાણ કરતી વખતે સાવચેત રહેવાની સલાહ આપવામાં આવે છે. જે લોકો પાર્ટનરશિપમાં ધંધો ચલાવી રહ્યા છે, તેમના બિઝનેસ પાર્ટનર સાથેના સંબંધો બગડી શકે છે.
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
