જગદીશ ગોડેશ્વરઃ ઇન્ટરનેટે આ દુનિયાને ખૂબ જ નાની બનાવી દીધી છે. તેમાં પણ સોશિયલ મીડિયા તો જાણે પબ્લિસિટીનો પાસવર્ડ હોય તેવું કામ કરી રહ્યું છે. દરરોજ સોશિયલ મીડિયામાં અવનવા વીડિયો અપલોડ થાય છે, જેમાં કેટલાક વીડિયો જરૂરિયાતમંદ લોકોને મદદરૂપ સાબિત થતા હોય છે. એટલુ જ નહીં ઘણી વખત આવા વીડિયો આપણને અચંબિત કરી મૂકતા હોય છે. હાલમાં આવો જ એક વીડિયો સોશિયલ મીડિયામાં ખૂબ વાયરલ થઈ રહ્યો છે. આ વીડિયોમાં એક ભીખ માંગતી મહિલા ફાંકડુ અગ્રેજી બોલી રહી છે.
વાયરલ વીડિયો વારાણસીનો છે, જેમાં એક ભીખ માંગતી મહિલા ભણેલાને પણ શરમાવે એવું ફાંકડુ અંગ્રેજી બોલી રહી છે. વીડિયો શુટ કરનાર વ્યક્તિ સાથે વાતચીત કરતાં મહિલા જણાવી રહી છે, કે તે 3 વર્ષથી વારાણસીમાં રહે છે, દક્ષિણ ભારતથી આવે છે અને કોમ્પ્યુટર સાયન્સમાં ગ્રેજ્યુએશન કર્યું છે. તેને એક દીકરો પણ છે. એક હાથ પેરેલાઇઝ હોવાથી સંજોગો વસાત તેણી રસ્તા પર ભીખ માંગવા મજબૂર છે. એટલુ જ નહીં પોતાને કોઈ નોકરી અપાવે તો તેણીએ નોકરી કરવાની તૈયારી પણ દર્શાવી. આ દરમિયાન વીડિયો શુટ કરનાર વ્યક્તિ પણ આ મહિલાને મદદરૂપ થવા લોકોને અપીલ કરી રહ્યો છે.
મહત્વનું છે કે, 1.48 મિનિટના આ વીડિયોમાં ભારતનું પ્રતિભાશાળી યુવાધન કઈ રીતે ભીખ માંગવા મજબુર બને છે તેનો ચિતાર વીડિયો દરમિયાન મેળવી શકાય છે. જે હોય તે પણ સોશિયલ મીડિયા યુઝર્સ આ વીડિયોને ખૂબ જ પસંદ કરી રહ્યા છે. તેમજ ઘણી પોઝિટિવ કોમેન્ટ કરી રહ્યા છે. હવે જોવું રહ્યું, કે અભણ સરકાર આ ભણેલ મહિલા માટે કંઈ કરી શકે છે કે નહીં…
તાજેતાજો ઘાણવો
- સુરેન્દ્રનગર જિલ્લામાં ‘ઓરેન્જ એલર્ટ’: ૪૫.૫ ડિગ્રી સાથે રાજ્યનું સૌથી ગરમ શહેર, આગામી બે દિવસ સાવચેત રહેવા અનુરોધ
- ગુજરાતમાં આજના ટોપ 5 ટ્રેન્ડિંગ ન્યૂઝ: સ્થાપના દિવસથી લઈને બુલડોઝર એક્શન સુધી ચર્ચાનો માહોલ
- રાજકોટ જિલ્લા પ્રાથમિક શિક્ષક ઉત્કર્ષ મંડળ અને બોધીસત્વ આંબેડકર બૌદ્ધવિહારના સંયુક્ત ઉપક્રમે મહારક્તદાન કેમ્પ યોજાયો
- સુરેન્દ્રનગર જિલ્લામાં કમોસમી વરસાદની આગાહી: ખેડૂતોને સાવચેતી રાખવા અનુરોધ
- શું છે ખડગેનું “અભણ ગુજરાત” નિવેદન જેણે સર્જ્યું છે રાજકીય તોફાન? જાણો સંપૂર્ણ વિગત
